دكتور : انا ابنى او بنتى وقعت من على السرير . ……السرير عالى شويه. ووقعت على السيراميك……..و الطفل ك…………
انا قاطعت الاب اللى متصل …… حضرتك متكملش…….اقولك انا … علشان اريحك و ترتاح…………..
الطفل وقع و رجع مرتين و اخد حقنه ترجيع من الصيدليه . و نام شويه و قام يلعب معاكم عادى و بيرضع من مامته ………. و طفلك اقل من 6 شهور كمان ……….الاب … اه يا دكتور … عرفت ازاى ……………
بكمل كلامى : ….. انزل بطفلك على اقرب مستشفى فيها دكتور طوارىء او اطفال او دكتور جراحه ……….
الأب: ليه كل دا يا دكتور….. م الطفل كويس…..
انا : حضرتك انت محتاج حد يقول لحضرتك هل مكان الخبطه عامل شرخ فى الجمجمه او توريم فى فروه الرأس ….
و محتاجين نعرف الحاله العامه للطفل … هل حضرتك كنت موجود ساعه الوقعه و طفلك وقع على راسه بس ولا وقع على دراعه ولا كتفه …….
اقولك: الحالات اللى شوفتها …….
+طفل 66 شهور مامته كانت سايباه على ترابيزه السفره . و اتلهت عنه . الولد وقع على وشه ( كسر فى الانف و شرخ فى الحوض و اشتباه ارتجاج)
+طفله 3 شهور . اخوها ال 33 سنوات بيلعب معاها . زقها من على السرير . شرخ فى الجمجمه و نزيف تحت فروه الرأس
+طفله 266 يوم امها سابتها على السرير و قفلت حواليها بالمخدات . البنت قعدت ترفص و اتحركت ووقعت من على سرير عالى . شرخ فى الكتف
و الامثله كتير …..
ها … تحب حضرتك اكمل علشان تقتنع ان طفلك اللى وقع على السرير و المدام بتعمل الفطار او مشغوله لأى سبب……. و مفكرتش للحظه ان طفلها لما تفرش له و تنيمه على الارض احسن ليها و لطفلها اللى احتماليه الوقوع بتاعته كبيره …… و بلاش موضوع الثقه الزايده ان طفلك مبيتحركش علشان لسه اقل من 40 يوم و لسه مولود و الكلام دا ….. بلاش . بلاش
**********
*احب اطمنكم : اغلبها بتكون بسيطه . لكن موضوع التوريم تحت فروه الرأس دا لما بيحصل بيكون قلق و بنحتاج نتابعه
*يهمنى درجه الوعى و الطبيعى بتاع الطفل و فترات النوم للطفل اللى وقع على راسه . لو اتغيرت ساعتها بنقول نروح نكشف بدون اى تأخير و نعمل اشعه مقطعيه كمان
*اطفالنا كلهم وقعوا و لسه بيقعوا و انا اولادى زى اى حد بيقعوا. لكن لابد ناخد الاحتياطات ::::
طفلك اللى لسه اقل من 33 شهور ممكن ينام فى سريره او فى الكاريكوت او ينام على الارض
و لو مش متوافر اى حاجه منهم . يبقى نفرش على الارض و نسيب الطفل و نعمل اللى ورانا حتى لو هيموت من العياط . متخافوش الطفل اللى بيعيط و بيقطع النفس و بيزرق و هو بيعيط عادى خالص بياخد نفسه بعديها و بكمل عياط و حياته ماشيه
لكن لو مفيش حاجه من دا او نسينا خالص …. حضرتك عندك مخدتين كبار موجودين فى خزنه السرير ضمن التنجيد بتاع حضراتكم . دا وقتهم . طلعيهم و ارميهم على الارض جمب السرير مكان م طفلك هيقع . و بلاش تعملى ناصحه وتقولى هحوط بيهم على السرير . متزعليش لما الكل يبهدلك لما النونو يطلع اذكى منك و يقع و فى كل الاحوال انتى الغلطانه و الملامه ……
…..
دعواتكم :::::: طفل عمل مقطعيه امبارح و طلع كويس
و طفل دلوقت بينيموه تخدير علشان هيعمل مقطعيه دلوقت
و طفل من فتره احتاج يعمل عمليه علشان جاله نزيف على المخ و دخل عمليات و عنايه و هو كويس دلوقت …………….
على فكره ( للناس اللى بتسأل ) هو كل اللى بيقع لازم يتعمل ليه مقطعيه …..لا ابدا . لكن الطفل اللى امه واثقه من نفسها و ابنها كل شويه يقع . او لو وقعه من مكان عالى و الطفل فيه اشتباه نزيف داخلى . او التوريم اللى فى الرأس شديد …..او درجه الوعى و الرضاعه و الحاله العامه للطفل بتتدهور . او الترجيع مستمر و الطفل مش فى الطبيعى بتاعه …. او نزف من انفه ……. او الام لاحظت ان الطفل مبيحركش دراع او رجل …..
********
ابوس ايديكى يا شيخه ……..
رايحه المطبخ او الحمام او رايحه تجيبى الموبايل من الشاحن او رايحه تشوفى ( الشحاتين اللى بيخبطو على الباب دلوقت ) او رايحه تعملى البسكوت بتاع العيد……….
سلامه طفلك فى البيت اهم منك انتى ……..
*************
طفلك مهم .. اتعاملى معاه باللى يناسبه …. و اوعى تستهونى ……. بدل متعيشى طول عمرك بذنب اهمال او قله معرفه …. و محدش يقول بعد كدا انى مقولتش او منصحتش
Comments are closed.