ازاى تتعاملى مع طفلك فى سنتة الاولى؟

 
طبعا عشان الكل يستفيد حتى لو معلومة من وجهة نظرك بسيطة اكيد فى بنات وستات بيعتمدوا على نفسهم فى تعلم كل كبيرة وصغيرة
وفى اللى معدومة الخبرة والاختلاط ف بلاش نبخل على بعض وجزاكن الله خيرا

#سنة_اولى_بيبى
فى ناس بتنصح بادخال الطعام للبيبيهات من اول 4 شهور وفى ناس بتقول 5 وفى ناس بتقول مش قبل 8 شهور
بس تجربتى مع 3 اطفال غير طبعا اطفال اللى حواليا اتأكدت انك عشان تتلاشى فيما بعد مشكلة ان ابنك او بنتك فى سن 3 سنين وبعد كده بيكره الاكل ومغلبك فى معظم الاكل واحيانا كله
المفروض كل ما دخلتى اكل بدرى كل ما كان افضل
بس مش بدرى كده فى الهبوللى وخلاص ?
لا طبعا لازم باحتياطات وآراء امهات واطباء مالم يكن فى اى مشكلة صحية عند ابنك او بنتك
وده ازاى بقا:
يعنى مثلا تعرفى ممنوعات كل فترة عمرية
زى منتجات الالبان كللللها الحليب والزبادى والجبن ومشتقاتهم بلاش قبل 8 شهور
اللحوم والاسماك والطيور والبيض ومشتقاتها ممنوع طبعا قبل سنة
العسل الابيض ممنوع قبل سنة
الملح والسكر الابيض حاولى بلاش قبل سنة
المعلبات والعصاير الجاهزة واى حاجة من بره البيت ممنوع قبل سنة ويفضل مايعرفهاش اصلا ونبهى عاللى حواليكى من غير زعل.. هتتساهلى مرة مش هتقدرى تمنعيها تانى واسألى مجرب
كده تماام.. تمام
ما تقلقيش من اللحوم انها ممنوعة حتى لو هتعدى السنة وافتكرى ان البروتينات مش موجودة بس فى اللحوم فى ناس نباتيين وعايشين عادى وعندهم سكس باكس كمان?
فى دكاترة كتير بتنصح بالفيتامينات للاطفال على طول الخط طبعا كلام اطباء مش هنقدر نتكلم فيه خصوصا لو حاجات مهمة زى فيتامين د و حديد وقائى من 6 شهور حبذا طبعا لو تطلبى من الدكتور وتسألى وتستفسرى وتتنحى مادام قى مصلحة لطفلك ولو قال بلاش يبقا طبعا بلاش
المشكلة اننا ممكن ندى فيتامينات ونواظب ونأكل كويس وللأسف اطفالنا ما يبانش عليهم صحة من رأيى ان الكلام ده بيرجع للتوقيتات الغلط.. بمعنى انه ممكن تاكلى ابنك علبة زبادى وتديله بعدها على طول الحديد… ومعظمنا ما يعرفش ان الحديد والكالسيوم مع بعض بيقلل عنصر منهم امتصاص التانى
او مثلا تضربى للواد كباية عصير كده محترمة موز على لبن وجسمه هياخد اقل من ربع الفايدة من الاتنين عشان الكالسيوم اللى فى اللبن والبوتاسيوم اللى فى الموز محتاجين ماغنيسيوم (اللى فى البلح)عشان يكملوا امتصاصه ويسفيد به كله.
وهكذا بقا نقيس ياريت يا ريت كل واحدة عسولة امورة ام جدعة تقرأ البوست تدور على تفاعلات الطعام وتقولنا عاللى طلعت بيه
او اى واحدة مشكورة عندها معلومات اضافية تعمل بوست بالهاش تاج #سنة_اولى_بيبى ونفيد بعض يعنى
وطبعا لسه فى معلومات اكتر واكتر عندى وعندكم كمان هتنزل تانى واكلات من اول يوم لحد المدرسة?
مين متابع؟؟؟؟

Comments are closed.