ازاى تحافظى على الخضار اسبوعين كاملين طازج

وكمان متنضف ومتطهر لصحه ولادك وكمان يحافظ على التلاجه جميله ونضيفه وريحتها عمرها ما تتغير
الطريقه:الادوات: اطباق فوم اللى بيتحط فيها الجبن واللحوم زيها
نايلون استرتش من السوبر ماركت بردو بيتغلف بيه اللحوم والجبن
حله فيها ميه ونص فنجان خل ومعلقه صغيره ملح ( الخل اقوى مطهر ومعقم طبيعى )
الملح لما ننقع الخضار ف ميه وملح بيتخلص من جزء كبير من السموم والمبيدات
مصفه كبيره
فوطه افضل تكون بيضا قطن عشان الصبغه بتاعتها متاثرش على الاكل واسهل ف التنضيف بعد ما تخلصى اغليها ف ميه وخل وفيرى او بيرل وشويه ملح وهتبقى كانها جديده
الخضار هتفضى نوع نوع ف حوض المواعين طبعا هتدعكيه الاول بالسلك كويس ببيريل وخل
تغسلى للخضار واحده واحده وتسيبيه ١٠ دقايق ف الميه اللى بخل وملح واشطفيه بسرعه وعلى المصفى
تنشفى واحده واحده كويس جدا بالفوطه عشان ميكونش فيه ميه خاااالص وترصى ف اطباق الفوم وتغلفى بالاسترتش وعالتلاجه
ال١٠ دقايق اللى هتنقعى فيهم الخضار استغليهم وامسحى تلاجتك من جوه بفوطه مبلوله خل وميه تعقيم بردو متقلقيش من ريحه الخل بتطير
الكلام ده ينفع مع طماطم خيار جزر كوسا بقشرهم الاول واشيلهم متقشرين
الفلفل اللمون الفاصوليا تتنضف الاول وتتشال الاطراف
كل ما تشترى خضار اعملى كده هتفضل الحاجه طازه اسبوعين ويمكن اكتر شويه
الخضرا جرجير كسبره بقدونس نعناع يتغسل كويس تحت الحنفيه ميه جاريه ويتنقع بردو ف ميه وخل ويتساب ف مصفه وقت طويل وانشفه بفوطه بالطبطبه ولما ينشف كويس من الميه الفه ف ورق فويل الومنيم بيفضل اسبوع
الفاكهه نفس الكلام بس مثلا البلح الاسمر لما اشتريه اغسله كويس واحده واحده من غير خل واسيبه يتصفى كويس ف المصفه واسيب منه طبق واحد بس ف التلاجه بيفضل حوالى ٥ ايام والباقى اشيله ف الفريزر ولما اطلعه اسيبه يفك وكانه لسه طازه
سر منى ليكى هديه كوبايه ميه متخرجش من التلاجه غير عشان تتغير فيها ايه الكوبايه دى ميه شرايح لمون عيدان قرفه بتحافظ على ريحه التلاجه جدا جدا وبتتغير كل شهر مره

Comments are closed.