تخزين الورق عنب ف البرطمان بالخطوات
اول حاجه غسل الورق عنب الكميه كلها اغسليها وصفيها عشان ننزل التراب وبعدين اقطعى العنقود بتاعه
تانى خطوه هنرص من ٥ ل ٧ ورقات فوق بعض ف اتجاه واحد يعنى على الوش او الضهر زى بعض
هنلفها بالطول رول يعنى من الجنب مش من فوق ولا من تخت واتنى الاكراف وابرم كويس فى كويس اوى زى السجاير هيبقى شكلها
اعملى كام سيجار يعنى كذا لفه وابدئى حطيهم ف برطمان زجاج او بلاستيك الموجود
واكبسى جامد عشان الهوا
تكونى محضره ميه مغليه وسيباها تبرد عشان التعقيم وتنزلى عليها بشويه ملح كانك هتعملى خيار مخلل
واقلبى الملح كويس لما يدوب
عشان تتاكدى ان الملح مظبوط هاتى بيضه وحطيها ف الميه لو عامت يبقى الملح مظبوط لو لاء يبقى زودى شويه ملح
وبعدين ننزل بالميه المملحه على برطمان ورق العنب لما يتملى ولازم الميه تكون مغطياه وحطى شويه عروق على الوش واقفلى البرطمان كويس وافتحيه تانى يوم لو لقيتى الميه قلت زودى شويه تانى مملحين بردو وشيلى ورق العنب وطلعيه لما تعوزى منه اشطفيه بشويه ميه عشان ينزل الملح وبعدين احشى علطول وبالف هنا وشفا خدى بالك بعد شهر كده افتحى على البرطمان وشيلى الريم من على الوش وحطى نقطتين زيت بس مش كتير عشان ميغيرش طعمه
واخر حاجه طبعا العروق مش هترميها حطيها ف كيس ف الفريزر ولما تعملى ورق عنب طلعى شويه حطيهم ف قعر الحله مع شويه زيت وبالف هنا
Comments are closed.