طريقة عمل السينابون

مكونات العجينه
نص كوب لبن
2 كوب دقيق
ربع كوب سكر
ثلث كوب زبده
بيضه
معلقه وربع خميره فوريه
رشه ملح
الطريقه
اللبن يكون دافى حطى عليه السكر وقلبى كويس عليهم الخميره غطيها وف مكان دافى عشر دقايق تخمر
حطى عليها البيضه والملح والزبده وممكن فانيليا كمان وقلبى كويس
حطى الدقيق شويه بشويه اخلطى كويس
على الرخامه رشى دقيق وهى ملزقه واعجنى فيها كويس مش هتبقى ملزقه اعجنى كويس لما تكون طريه اوى ومبتلزقش
كده تسيبيها ترتاح وتتخمر ساعه او اكتر
طريقه الحشو
كوب سكر بنى او ابيض لو مفيش عليه معلقه كبيره عسل اسود وقلبى
عليه معلقتين قرفه ومعلقه كاكاو خام
العجينه خلاص خمرت افردى بقى ورق زبده على الرخامه عشان متلزقش منك ورشى شويه دقيق ونزلى عليها العجين افردى بايدك وبعدين افردى بالنشابه مستطيل ادهنيها زبده ف درجه حراره الغرفه وعليها الحشو وافرديه ولفى العجين بالراحه بخيط قوى عندك هنقطع السينابون لانه بيقطع بشكل نضيف ومظبوط لكن السكينه بتبوظ شكله
اقطعى الرول الاول هاتى صينيه مدهونه زبده وحطى السينابون وسيبى مسافه بسيطه بينهم وغطيها وسيبيها تخمر كمان ساعه هيتضاعف حجمها وهتلزق كلهم ف بعض
دخليها الفرن على حراره 350 عشر دقايق تقريبا وبعدين طلعيها وحطى عليها كريمه خفق على الوش ودخليها تانى تكمل تسويه عشر دقايق كمان
مكونات  التوبينج
8 مكعب جبنه كيرى
كوب سكر بودره
ربع كوب زبده
معلقه صغيره فانيليا
رشه ملح
الطريقه
حطى الجبنه مع الزبده ورشه ملح والفانيليا وقلبى كويس
حطى السكر البودره وقلبى
حطى 2 او 3 معالق لبن وكملى تقليب
اول مايطلع السينابون من الفرن حطى عليهم

Comments are closed.