باديكير ف البيت للقدمين

نعمله مره شهريا او كل ٣ اسابيع
الادوات سنفره ممكن عادى سنفره الجسم نستخدمها اى نوع سنفره للوجه او الجسم ينفع ماسك جاهز مش خلطه طبيعيه
وعاء ماء دافى /ملح خشن /مبرد للقدم /حجر للقدم /لوشن مرطب اى نوع /فرشه اسنان قديمه/معجون اسنان /ماسك اى نوع/ملح حليب/ سنفره/قطعه ليفه قديمه/فازلين طبى /بنز ( اداه ازاله الجلد الميت) لو مش عندك موجوده ف محلات بيع مستلزمات التجميل مع حاجات الباديكير مش عندك ومش لقياها ولا يهمك استخدمى الاداه اللى جوه القصافه بتكون طويله وليها سن مدبب زى السكين
يلا نبدء : هنحط الملح الخشن ف الميه الدافيه ونحط رجلينا ١٠ دقايق
بعدين حطى الماسك عشان هيفتح مسام القدمين عشان لما نعمل التقشير كل الخلايا الميته تطلع
نحط الماسك وندلك برفق ونسيبه ١٠ دقايق عشان المسام تتفتح
قطعه الليفه نزيل بيها الماسك وندعك ف كل الاتجاهات
نضع المقشر او السنفره على القدم كامله وادلك جيدا باليد مش باى اداه والسنفره على الاظافر ادلكها بفرشه الاسنان
والسنفره على القدم افركها بمبرد القدم كويس القدم كامله والكعب
ندعك بالحجر وخصوصا الكعب للتخلص من التشقق
نعمل مساج خفيف باليد للقدم بحركه دائريه عشان البشره تمتص السنفره
نغسل القدم جيدا بالكامل وبعدين احط ملح الحليب على القدم وادعك باليد جيدا ثم اغسل بالماء
الحصول بعد كل ده على قدم ناعمه لامعه ليس بها اى تشقق
نهتم بقى بالاظافر وازاى اعملها باديكير ولازم يكون بعد باديكير القدم
اول حاجه نضع معجون الاسنان على فرشه الاسنان وندعك كل ظفر كويس من كل الجوانب
نغسل الاظافر من المعجون وننشف بفوطه
نضع فازلين على الاظافر
نستخدم البنز بالطرف المدبب لازاله الجلد الميت بجانب الاظافر ونحرك برفق هيطلع جلد ابيض وده الجلد الميت وهننضف كمان تحت الاظافر
اغسل الاظافر تانى بميه وانشف بالفوطه
نقص الاظافر بقى حسب الشكل المفضل اما مستطيل او مقوس
نبرد الاظافر بالمبرد المعدن عشان شكلها يتساوى
نغسل القدم بالكامل باى شاور للجسم
اخر حاجه لوشن مرطب على القدم بالكامل والاظافر

Comments are closed.