حلويات علي البارد "تشيز كيك "

المقادير:
2 كوب بسكويت ساده مطحون
3 معالق كبيره زبده مذابة
250 جرام جبن كريمي او5 قطع جبن مثلثات
كوب كريمه لبانى اوكريمة خفق
علبه زبادي اوقشطة
كوب سكر بودر
2 باكو جيلى فراولة
فاكهه حسب رغبتك ..
 
طريقة التحضير:
اولا:-نحضر الطبقة الاولى البسكويت المطحون ثم تضيفى عليه الذبدة المذابة ويقلب جيــدا حتي تتوزع الزبدة علي كل البسكويت ” يصبح مثل الرمل المبلل “.
نضع البسكويت فى صينة ونضغط جيدا حتي يتماسك وندخله الفرن على 180 لمده 5 دقائق فقط يتحمص وعندما يبرد تماما نضعه فى الثلاجة لمده15 دقيقة.
 
ثانيا:-نجهز الطبقه الثانية. نضع الجبن ويكون بحرارة المطبخ وعليه السكر وملعقة فانيليا ونضربهم شويه ونضيف عليه علبة القشطة او الزبادي ونضربهم شويه وبعدين نضيف الكريمة شويه شويه شويه ونستمر فى الضرب حتى تبدا تتماسك ونضيف عليها ملعقه زبدة ونعلى سرعه المضرب ونستمر فى الضرب حتى يتماسك تماما
نضيف الطبقه التانيه على طبقه البسكويت ونضعهم فى التلاجه لمده ساعتين عشان تتماسك تماما.
 
ثالثا:-الطبقه التالته طبقه الجيلى كوبين ميه سخنه على باكو الجيلى ولو عايزه تضيفى فى الجيلي فاكهة حسب رغبتك. ونتركه حتى يبرد بس خارج التلاجه
لما يبرد الجيلى نضيفه بالراحه على الطبقات الاخري ونضعه فى التلاجه عده ساعات حتى يتماسك الجيلى تماما ..
وللتزيين ممكن استخدام مكسرات او فاكهة او بعض من الكريمة المخفوقة ..
وبالهنا والشفاء

Comments are closed.