دور الاب ف التربيه

دور الأب فى تربية الأطفال مش مقتصر على شراء الحفاظات واللبن ، الطفل من أول الأسبوع السادس تقريباً بيبقى قادر يميز شكل الأب والأم وبيبتدى يميز ريحتهم من اليوم الثالث وبيبتدى يميز حركاتهم وإنفعالات وشهم على مدار الثلاث شهور الأولى عشان كده لازم الأب يكون مهتم إنه يتواجد بشكل يومى فى ذهن طفله خصوصاً فى الشهور الأولى بعكس المتعارف عليه عشان يكبر وهو متعلق بيه زي مامته .
– الأب لازم يحاول يتعلم ينيم إبنه أو بنته ولو مرة فى الأسبوع
– الأب لازم يحاول يتعلم يغير الحفاظات للبيبى ولو مرة فى الأسبوع
– الأب لازم يخصص جزء من وقته كل يوم يلعب فيه مع إبنه أو بنته
– الأب لازم يبتدى يعلم إبنه أو بنته الكلام بداية من الشهر السابع
– الأب لازم يتعلم إزاى يحضر رضعة للبيبى لو كان بيرضع صناعى
الأب لازم يكون ليه دور مؤثر فى تربية طفله عشان يكبر متعلق بيه زيه زى مامته ويبقى للأب تأثير عليه فى المستقبل لأنه قريب منه من وهو صغير ، طبعاً مش كل الأبهات بيقدروا يعملوا كل الحاجات اللى اتكملنا عنها ولكن على الأقل بعضهم بيحاول يعمل اللى يقدر عليه منهم ، وعشان كده لو جوزك بيعمل حاجة أو أكثر من الحاجات دى لازم تشكريه لأنه يستحق