روتين من 6 خطوات لرائحه بيبي جميل

لو لسه أم جديدة أو مستنيه بيبي, في خطوات لازم تخليها روتين يومي من أول ما الطفل يتولد علشان تخلي طفلك على طول نظيف وملوش أي روائح كريهة, ودا هنقولك #إزاي تعمليه يوميًا أول ما طفلك يصحى من النوم.
1- حضري طبقين صغيرين فيهم مياه دافيه وقطن.
2- الطبق الأول هتبلي فيه القطن وتمسحي عيون طفلك من بره, من زاوية العين عند المنطقة اللي قريبه من الأنف لبره.
3- هتبلي القطن وهتمسحي وش طفلك ورقبته وايديه الاتنين , ومتنسيش منطقة ورا الأذن.
4- الطبق التاني هتبلي فيه القطن وتمسحي بيه منطقة الحفاضة للطفل وتغيريله الحفاضة, وبلاش المناديل المبللة خالص علشان بتعمل التهابات.
5- هتغيري لطفلك هدومه كاملة والأفضل تخلي الخياطة بتاعت الهدوم الداخليه من بره مش من جوه وشيلي منها أي تيكيت علشان متعملش التهاب لبشرة الطفل.
6- حضري قطعة شاش فيها مياه أو فرشة الأسنان المخصصة لحديثي الولادة, وامسحي بيها اللثة علشان ميبقاش في أي فطريات.
لو كل يوم عملتي الـ6 حاجات دول, طفلك هيفضل مفيهوش ريحة اللبن والبامبرز اللي ساعات بتتحول لريحة مش مقبوله وكمان نظافة يومية للطفل تحميه من الحساسية والالتهابات.

Comments are closed.