كيلو شاورما لحمه لو عندك بوفتيك قطعيه بالطول رفيع
نص كوب لبن
لمونه
معلقتين خل كبار
٣ فصوص ثوم مفروم
نص فنجان زيت زتون او عادى
معلقه صغيره ملح فلفل ثوم بودر بصل بودر بهارات لحمه قرفه
اقلبها ف التتبيله كويس واقلب كل مكونات التتبيله كويس اغطيها بسترتش وادخلها التلاجه ليله كامله اطلعها تانى يوم احط ف طاسه معلقه زيت ولما تسخن انزل اللحمه اللحمه هتبدء تنزل ميتها واول ما تبدء تشرب ميتها اضيفلها كوبين ميه واهدى النار واسيبها تستوى براحتها لما تستوى كويس اكون مقطعه فلفل رومى اخضر وطماطم وانزلهم على اللحمه بعد ما تستوى اقلب كويس السر بقى ان الشاورما تكون زى الجاهزه بالظبط مع انها بيتى معلقتين كبار طحينه واقلب كويس كده الشاورما جاهزه وعايزه اللى يلتهمها
هنعمل معاها خبز تورتيلا
المقادير: ٣ كوب دقيق
علبه زبادى
نص كوب زيت
معلقه سكر كبيره
رشه ملح
معلقه كبيره بيكنج بودر
ميه دافيه للعجن حسب حاجه العجين ممكن نص كوب ممكن اكثر
اضيف على الدقيق كل المكونات واقلب كويس كل المكونات مع الدقيق واعجن كويس جدا حوالى ربع ساعه عشان تبقى مظبوطه ومخدومه حلو كده العجين جاهز اسيبه يرتاح نص ساعه قبل التسويه نعمل كور صغيره بعد ما ارتاحت واهم حاجه الرخامه عليها دقيق عشان متلزقش افرد بالنشابه كويس جدا لازم تكون رفيعه جدا طاسه مدهونه زيت ومجرد ما تسخن احط العجين هتعمل فقاقيع بتاخد دقيقه على اول جنب وحوالى نص دقيقه على التانى لما بيستوى لونه بيتغير ويكون دهبى فاتح وعملت الكميه كلها ٣ كوب دقيق عمل ٧ تورتيلا ولازم يتغطى عشان يفضل طرى لو متغطاش هينشف جدا نبدء بقى نعمل الساندوتشات هنحط الحشو شويه ف النص ونلف رول وعادى ممكن يتاكل كده وهيبقى جميل وبالهنا والشفا
Comments are closed.