من النهارده مش هتجيبى اكل من بره كلى الى اولادك بيحبوه هتعمليه فى البيت بطريقة صحية وجميلة وبسيطة مع عنبة دوت كوم  تعرفى على اجمل طريقة بعمل السجق البلدى  فى البيت

اولا سوف نتعرف على طريقة حشو السجق  والمقادير المستخدمة لتحضيرالسجق قبل عمل السجقالبلدى 

نحضر حوالي كيلو من الممبار الضاني الرفيع .
يتم تنظيفة جيدا بالملح والخل بعد قلبه ثم يعاد قلبه علي الوضع الاول
نصف كيلو لحم مفروم فرما جيدا مع قطعو من اللية او الدهن عشان الطعم
كوب من البرغل الناعم منقوع من قبل في الماء ويصفي
بصلة مفرومة مع فصين من الثوم وتوابل قرفة وقرنفل وببريكا كلهم مخلوطين حوالي نصف ملعقة صغيرة
قمع نظيف يوضع علي طرف الممبار ويتم حشو السجق بعدما خلطنا جميع المكونات مع بعض
وعند الانتهاء من الحشو نقسمهبالطول اللي نفضله حوالي 5 سم بين كل واحدة سجق والاخري وذلك بالربط وبالخيط او عن طريق البرم
ممكن الاستخدام الفوري او يحفظ في الفريزر لوقت الحاجة وغالبا يفضل استخدامه عندما نكونوا مشغولين فنجد عندنا وجبة سريعة وسهلة التحضير .

مقادير عمل السجق البلدى

3 x معلقة كبيرة زيت ذرة
2 x معلقة كبيرة خل
2 x معلقة كبيرة زبدة (أو سمن)
1 x عدد فلفل أخضر حلو (مقطع قطع صغيرة)
1 x معلقة صغيرة فلفل اسود مطحون
1 x عدد بصلة (مقطعة قطع صغيرة)
1 x معلقة صغيرة ملح
1 x عدد فص ثوم (مقطع شرائح)
1 x كيلو سجق شرقى ((بلدى))
1 x عدد طماطم (مقطعة قطع صغيرة)

طريقة تحضير السجق البلدى

هنسلق السجق على نار متوسطة وهنشيل الريم اللى هيتكون على وش الماء بالمعلقة لحد ما الريم يختفى, بعدها هنرفع السجق من على النار ونقطعه قطع صغيرة.
فى طاسة غويطة على نار متوسطة هنسيح الزبدة ونضيف الزيت ونقلب فيهم شرائح البصل والثوم لحد ما يتحولوا للون الذهبى الفاتح.
هنضيف شرائح الفلفل ونقلب كويس
هنضيف قطع السجق والطماطم ونقلب كويس
هنضيف الملح والفلفل والخل ونستمر فى التقليب حوالى 10 دقائق لحد ما السجق يستوى.
هنقدم السجق فى أرغفة العيش الفينو وبالهنا والشفا