المكونات
عرق التريبيانكو اللى بيتعمل لحمة باردة
ثوم
ملح وفلفل اسود مجروش
زيت
بصلتين كبار
روز مارى او اكليل الجبل
كوبايتين مية سخنة
3 معالق دقيق
الطريقة
هنجيب عرق التريبيانكو اللى بيتعمل لحمة باردة يا جماعة موجود فى الفخدة
ونحط فى كل فتحة فص توم وبنعمل كدا فى كل انحاء العرق .. ونحط معاها فلفل اسود حبوب كاملة زى فى الصورة كدا .. بتدى نكهة وطعم جميل جدا ..
نيجى للتربيط بقى بنلف قطعة اللحم بخيط زي الصورة دي .
بعد ما نربطه الربطة الجميلة دا بنتبله بملح وفلفل اسود مجروش فريش عشان ينعنش الصوص لو معندناش نجيب فلفل اسود حبوب ونديله ضربة فى الكبة من غير ما يطحن .. احنا يا جماعة عايزين نحس بطعم اللحمة مش هانبيتها فى تتبيلة ولا مية بصل ولا الكلام دا كله
بنجيب صينية على نار عالية ونحط فيها زيت وندى العرق الصدمة الجميلة من كل الاتجاهات ولما يحمر كدا ومسامه تتقفل ننزل ببصلتين كبار مقسومين على 2 .. ورشة روز مارى او اكليل الجبل على العرق وننزل بكوبايتين مية سخنة فى الصينية
اتلاقى البخار اللى طالع اصلا يفطر 
🙂 .. نغطيها بالفويل ونكون مسخنين الفرن .. ونسيبه فى الفرن لمدة ساعتين على نار متوسطة
نطلعه من الفرن بنلاقيه بالشكل دا نسيبه يبرد ساعتين عالاقل عشان نعرف نقطعه بالشكل دا
نيجى بقى للصوص اللى اتبقى وهو بارد كدا ننزل عليه ب 3 معالق دقيق ونضربه كدا بمضرب السلك ونرفعه عالنار عشان يربط ويدى القوام اللى فى الصورة دا .. طبعا البصل هايدوب وهايبقى مذاق مجمع الروز مارى والفلفل الاسود والتوم والبصل .. ونصفيه بمصفه مهم جدا
نحط الصوص علي وش قطع اللحم بعد التقطيع لشرائح
I am not sure the place you’re getting your info, however great topic.
I needs to spend a while learning more or understanding more.
Thank you for wonderful information I used to be searching for this information for my
mission.