طريقة عمل رموش الست

رموش الست
من الحلويات الشرقيه الجميله وبطريقة صحيحة
المقادير :
1 كوب سكر بودرة
6 معالق كبيره سميد بسبوسه
1 كوب زبده
2 معلقه جوز الهند
3 بيض + فانيليا
3 كوب ونص دقيق
معلقه بيكنج بودر
عدد 1 صفار بيضه مع فانليا لدهن الوجه
شربات تقيل
كوب ونصف سكر مع كوب ونصف مايه مع عصير ليمونه ومعلقة صغيرة فانيليا و هتعمليه يغلى مع بعضه لحد مايعمل معاكى شربات ويقلب ويترك حتى يبرد تماما ثم يستخدم
الطريقه :
بنضرب السكر مع الزبده بالمضرب الكهربائى وبعدين بضيف عليهم البيض الفانيليا مع الضرب المستمر وبعد كده بضيف السميد وجوز الهند وبقلبهم كويس وبعدين بنزل بالبيكنج بودر والدقيق شويه شويه لحد متبقى عجينه متماسكه معايا بعد كده بحطها فى الثلاجه لمده نص ساعه عشان تتماسك وتبقى سهله التشكيل وبعد كده بشكلها زى منتوا شايفين فى الصوره وممكن كمان اعملها مدوره اى شكل انتوا عايزينه بايديكم تعملوها كرات صغيره وتضغطوا عليها بخفه بالشوكة وترصوها فى صاج او صينيه مدهونه بقطعه زبده بسيطه -ندهن الوجه بصفار البضه مع الفانليا وتدخل الفرن على درجه حراره 160 لمده 15 دقيقه ولما تخرج تسقوها بالشربات لو انتم عايزين تسقوها انا بحبها من غير شربات
وبالهنااااا والشفاااااا