بصل مكعبات – زبيب – شعرية – حبهان – ملح – فلفل اسود
وشوية فلفل اسود
بعد ما البصل يدبل ننزل بالزبيب ونطعمهم بفصين حبهان
ووراه على طول الشعرية
نقلبهم كويس لحد الشعرية ما تتحمر شوية
ونسيب الخلطة تبرد … معلومة مهمة هنا … اوعو وانتو بتطبخو تنزلوا حاجة باردة على سخنة او حاجة سخنة على باردة
ونبدأ نحشى البطة من جوه
وبعد كدا نخيطها والحركة دى مهمة جدا بالابره والفتله
فى حلة وننزل بشوية زيت او سمنة او زبدة
ننزل بورق اللورا
وشوية مستكة وحبهان
وبصلتين صحاح متشققين وكمان كرات
وننزل بالبطة ونشوحها ونحمرها من الجوانب
الحاجة السخنة ننزل عليها بمية سخنة عشان تبقى شوربه
ونسيب البطة بقى تستوى براحتها وننزل عليها برده بملح وفلفل اسود .. طبعا عارفين هانختبر سواها ازاى .. بسكينة كدا وننزل فى الصدر لقيتها مشيت يبقى تمام استوت
عصر البرتقال عليها بتديها طعم حلو
وندهنها بادينا بالسمنة كدا من كل حتة
وندهن صينية سمنة
ونحطها ف الصينيه ونرش عليها شويه ملح
وفلفل اسود … وندخلها الفرن تحت الشواية عشان تتحمر
Comments are closed.