سهله ولذيذه ببواقى الفراخ
المقادير بقى :
نص كيلو مكرونة اسباجيتى مسلوقة. . أو ممكن اى نوع مكرونة عادى …
كباية كبيرة من الماشروم المتقطع شرايح…
بصلاية كبيرة متخرطة صغير…
فصين ثوم…
3 فلفل أخضر كبار متقطعين شرايح. ..
نص كباية من الزيتون الأسود …
و كمان فراخ مسلوقة .. انا عملت 3 اوراك كبار مسلوقين. .
بشاميل ….
جبنة موتزاريلا باندا
أول حاجة هنفصص الفراخ المسلوقة كدة حتت .. و طبعا لو عندك فراخ بايتة و متكلتش تنفع اوى فى الوصفة دىو لو معندكيش فراخ مسلوقة اصلا مفيش مشكلة ..ممكن تجيبى صدور فراخ و تقطعيها شرايح زى الشاورما و تسويها الأول بأنك فى طاسة على النار فيها زيت نزلى الفراخ تتشوح كويس اوى و تستوى و بعد كدة تضيفى عليها البصل و الفلفل و الماشروم و التوابل و الثوم و الزيتون … بس
نرجع بقى للوصفةطاسة فيها زيت و انزلى بالبصل و الفلفل و يا دوب يدبلوا خفيف ….
و عليهم الماشروم وقلبى
و انزلى بالفراخ المسلوقة المتقطعة … و قلبى …
حطى بقى رشة ملح و فلفل و بابريكا و الثوم و قلبى …
و آخر حاجة خالص الزيتون و يادوب تقلبتين و بس اطفى النار ..
و كدة جهزت حشوة النجرسكو .. اركنيها على جمب …
مكونات وطريقه البشاميل
2معلقه كبيره سمنه او زبده واسيبها تسخن شويه
احط على السمنه او الزبده 2 معلقه كبيره دقيق واقلب كويس جدا
اقلب الى ان يغلى الدقيق والسمن واوطى النار خالص
احط عليهم لتر من السائل اما ان يكون كله لبن او نص لبن ونص شوربه زى ما تحبى وقلبى جامد ف نفس وقت اضافه اللبن عشان الدقيق والسمنه ميكلكعوش لا يتكتلوا
اخلى النار متوسطه واستمر بالتقليب
احط عليه ملح وفلفل وجوزه الطيب اختيارى ومعلقه كبيره جبنه بريزيدون شيدر او جبنه رومى مبشوره او جبنه مثلثات او شيدر مبشوره اللى تحبيه وقلبى
افضلى متابعه البشاميل وبتقلبيه الى ان يعمل فقاعات كده يبقى استوى
يكون السمك خفيف مش تقيل البشاميل الصح يكون سائل سمكه اخف من سنك عجين الكيك بشويه
هاتى الصينية الهعمل فيها النجرسكو و ادهنيها زيت خفيف و علية طبقة من البشاميل
حطى طبقة من المكرونة المسلوقة
افرديها كويس
حطى كبشتين كبار من البشاميل.
و انزلى بقى بحشو الفراخ ..
و عليهم طبقة جبنة موتزاريلا
بشاميل تاااااانى
طبقة من المكرونة تاااااانى
و البشاميل بقى على الوش
افردى البشاميل كويس علشان يوصل للمكرونة كلها.
و رشة موتزاريلا ااااااااااا و دخليها فرن سخن على درجة 200 تقريبا نص ساعة و بعد كدة افتحى عليها الشواية دقيقتين و بس
Comments are closed.