المقادير بقى :
2 كوب دقيق ..
نص كوب سكر بودر منخول. .
نص كوب زبدة بدرجة حرارة الغرفة. ..
بيضة واحدة بدرجة حرارة الغرفة…
معلقة صغيرة ممسوحة نشادر. .
معلقة صغيرة ممسوحة باكنج بودر. ..
معلقة صغيرة فانيليا أو ممكن بشر برتقال …
معلقتين كبار لبن بدرجة حرارة الغرفة أو ممكن نحتاج اكتر حسب احتياج العجين. ..
رشة ملح.
حطى رشة الملح و الباكنج بودر على الدقيق و قلبى و اركنيها على جمب
حطى الزبدة و عليها السكر و اضربيهم بالمضرب الكهربائى
عوزين لونهم يفتح
انزلى عليهم بالبيضة و الفانيليا و كملى ضرب
و النشادر و كملى ضرب. .. النشادر الاسم التانى ليها امونيا
اضربيهم كويس مع بعض. …
انزلى عليهم بالدقيق بالتدريج مع التقليب لغاية ما العجينة تلم.
آخر حاجة هنحط معلقتين كبار من اللبن. .. و اعجنى بأيدك. ..
عوزين العجينة طرية مش ناشفة ….
و الافضل انك تجربيها. . يعنى لو لقيتى العجينة ناشفة كدة و بتتكسر تبقى محتاجة معلقة تانى و لا اتنين من اللبن علشان متتكسرش و تبقى لينة و متجانسة طبعا لو عندك مكنة البسكوت يبقى هايل لانها هتطلع البسكوت ارفع. .. و لو معندكيش اعملى زى و هاتى كيس حلوانى يكون نوع قوى و معاه البلبلة بتاعت البسكوت من اى محل مستلزمات حلويات
كدة العجينة اتظبطت و مبتتكسرش
هنحطها فى فرن سخن على درجة 180 لمدة 10 ل 12 دقيقة بالكتير …
أول ما ياخد لون حلو من تحت يبقى خلاص استوى بس لو لونة فاتح لسة من فوق . افتحى علية الشواية على الهادى خالص يا دوب تاخد لون جميل
Comments are closed.