طريقه عمل بيتزا ستافت كراست

مكونات العجين
4 كوب دقيق وممكن تزودى
2 معلقه صغيره خميره فوريه
معلقه صغيره سكر ابيض
ميه دافيه وانزل بيها شويه شويه على الخميره
افردى الدقيق على رخامه نظيفه عليه الخميره والسكر واعملى حفره بمنتصفه وانزلى بالميه الدافيه وقلبى باصابعك الميه الدافئه مع الخميره والسكر
قلبى وابدئى لمى العجين يعنى دخلى الدقيق هتحتاجى ميه دافيه تانى متزوديش اوى عشان متبوظش منك
انزلى بالميه شويه شويه واعجنى اول ما تلم العجين خلاص متزوديش ولا ميه ولا عجين واعجنى فقط
استمرى بالعجن واستمرى اكثر اعجنى بعد العجن ضعى عليها معلقه كبيره زيت زيتون
اجمعى العجين على شكل كره وضعيها بطبق لتختمر
تغطى جيدا وتترك بمكان دافئ لتختمر مده ساعتين
اتخمرت العجينة رشيت شوية من الدقيق العادى و كمان رشيت دقيق السميد بتاع البسبوسة على الكونتر و فردت العجينة
قسمتها ل 4 كور
اخدت كورة و رشيت عليها سميد و دقيق و بأطراف صوبعى بفرد العجينة
أفردت و بقت تماااام و ممكن تفرد يا بالنشابة
و صينية مدورة بتدخل الفرن و لو بتلزق أبقى ادهنيها زيت خفيف و افردى عليها العجينة
و على الأطراف هنحط جبنة موتزاريلا أو ممكن صوابع الجبنة الموتزاريلا
و عليهم فرانك فورتر نوع كويس زى حلوانى و يكون مسلوق … و ممكن تستكفى بالجبنة بس أو تحطى بدالة مثلا سجق أو كفتة
لفى العجينة عليهم و اتكى عليها كويس
و افردى بقى صلصة البيتزا و طريقتى فى الصلصة هى عبارة عن 2 معلقة كبيرة من معجون صلصة طماطم فى طاسة على النار فيها معلقة زيت و معلقة كبيرة بصل و ثوم بودر و بابريكا و زعتر و ملح و فلفل و شوية مية و اول ما يبقللوا على النار خلاص كدة الصلصة بتكون جاهزة للبيتزا
و حطيت فوق الصلصة شرايح رفيعة من الجبنة الشيدر .. و فلفل ألوان و زيتون أسود
و عليهم بقى الجبنة الموتزاريلا
و آخر حاجة فوق شرايح البيبيرونى و دة بيتباع عادى فى السوبرماركت فى قسم الجبن و ممكن طبعا تستبدلية باللحمة المفرومة أو التونة أو جمبرى أو فراخ برحتك زى ما تحبى
و الأطراف بقى قطعيها وهى نيه و على قد ما تقدرى خليها متقطعين مقاس واحد
و كل جزء قطعتية امسكية بصوبعك و خلية يلف معاكى لقدام بحيث أن الفرنك فورتر بدل ما هو باين من الجمب بيان من قدام
كدة خلاص تدخل فرن سخن على درجة 180 تقريبا من 12 دقيقة ل 14 دقيقة و هتلقيها اخدت لون من تحت يبقى تمام و افتحى عليها الشواية دقيقة بس تاخد لون جميل