طريقه عمل كعك العيد الاقتصادى

? المقادير بالكوب :-
– 5 كوب دقيق + رشة ملح
– 1و 1/2 كوب زيت على سمنه
– 1/2 كوب حليب
– 2 ملعقة ص خميرة فورية + 2 ملعقة ص سكر
– 1 ملعقة ص ريحة الكحك (اختياري)
– 2 ملعقة ص سمسم محمص (اختياري)
– نصف كوب سكر بودرة للتزيين
? المقادير بالجرام :-
– 500 جرام دقيق + رشة ملح
– 250 جرام زيت على سمنه
– 130جرام حليب
– 7جرام خميرة فورية + 2 ملعقة ص سكر
– 1 ملعقة ص ريحة الكحك (اختياري)
– 2 ملعقة ص سمسم محمص (اختياري)
– نصف كوب سكر بودرة للتزيين
? الطريقة :-
– نقدح الزيت مع السمنه على النار.
– ننخل الدقيق ثم نضع عليه الملح ورائحة الكحك والسمسم ثم نصب فوقه الزيت وهو ساخن.
– نقلب العجينه مع بعضها بملعقة خشبيه حتى تتجانس وتبرد قليلا
– نضع الخميرة والسكر على اللبن ونقلب حتى تذوب الخميرة في اللبن
– نضيف الخميرة واللبن للعجينه وهي دافئة ، ونكمل عجن
– حتتكون معانا عجينة طرية رائحتها جميلة
– نشكل العجينة بقوالب الكحك او بأي ادوات متوفرة عندكم المهم تكون الكحكة ارتفاعها مناسب عشان تستوي كويس ومتتحرقش.
– نترك الكحك في الصينيه ليختمر حوالي ساعة
– يوضع في فرن متوسط (1800درجة) الى ان ينضج ويأخذ لون الكحك الجميل (حوالي 12دقيقة)
– يرفع من الصينية بعد ان يبرد ويرص في اطباق ويزين بالسكر
(( الكمية دي اتكلفت أقل من 25 جنية يعني الكحكة بأقل من 500 قرش ))
ملاحظات :-
– نوع الدقيق الجيد عامل مهم لنجاح الكحك
– رائحة الكحك والسمسم حسب الرغبه ويمكن الاستغناء عنهم
– الحليب المضاف يفضل ان يكون دافئ او بدرجة حرارة المطبخ.
– قدح السمنه او الزيت واضافتها للدقيق أفضل وهو اللي بيدي للكحك الطعم المميز بتاعه
– لو حسينا ان العجينه طريه جدا نضيف لها شوية دقيق ولو حسينا انها ناشفه قليلا نضيف قليل من الزيت
– الكحك مش بياخد وقت في الفرن لان السمنه السخنه بتسويه.
– لما نخرج الكحك من الفرن نتركة لما يبرد تماما ونرفعه من الصينيه عشان بيبقا طري اوي وممكن يتكسر بسهوله
– يفضل رش السكر فوق الكحك عند تقديمه
– يحفظ الكحك في علب بلاستيك بغطاء او يوضع تحته كيس بلاستيك عند وضعه في علب كرتون
– انا استعملت دقيق ضحى وزيت ذرة وسمنه بلدي
يوجد شرح تحت الصور
كل سنة وانتم طيبين
عيد سعيد على كل الناس