طريقه عمل مكرونه البيتزا

المقادير :
* ربطة معكرونة سباغتي
* اوقية لحمة ناعمة
* ملح و فلفل
* فلفل اخضر مفروم ناعم
* بصلة مقطعة شرائح
* 3 حبات بندورة مفرومة
* نص كوب رب البندورة ( صلصة طماطم )
* مكعب ماجي
* زيتون اسود
* فطر مقطع حسب الرغبة
* جبنة قابلة لذوبان
* ملعقتان زيت نباتي
الطريقة :
نسلق المعكرونة و نصفيها من الماء و نتركها جانبا
نضع طنجرة على النار و نضع عليها الزيت ثم نضيف اللحمة و نقلبها حتى يتغير لونها ثم نضع البصل و نقلبه حوالي 5 دقائق ثم نضع الفلفل الاخضر و البندورة و الفطر و الزيتون الاسود و نقلبهم مع بعض ثم نضع رب اليندورة و مكعب الماجي و قليل من الماء و نقلبهم مع بعض حتى يتجانسوا ثم نضع المعكرونة و نقلبهم مع بعض و نتركهم على النار مدة 5 دقائق حتى ينضجوا ثم نضعهم في صينية فرن و نضع فوقهم الجبنة و نضعهم بالفرن على الشواية مدة 5 دقائق حتى تذوب الجبنة على المعكرونة و نقدمها ساخنة ( و صحتين و عافية )