كل ما يهمك عن طفلك والبوتى

إمتى أبدأ أعود طفلى على البوتى؟؟
طيب إزاى أعمل دا؟ وإمتى السن المناسب؟؟
طيب ابنى عنيد وبيبكى كل ما اقعده على البوتى ايه الحل؟؟
طيب تعالى نبدأ بالسن المناسب:
– نقدر نقول السن المناسب بيكون من سنتين لسنتين ونص وهنا بنتكلم على الاطفال الّى الحمد لله نموهم العقلى والجسدى سليم.
– هنبدأ أول خطوه وهى إننا نقلع الطفل الحفاض اثناء فتره النهار…وبمعدل كل ساعتين هخلى الطفل يقعد على البوتى بلاش الحمام عشان ميخافش أو يحس إنه معزول.
– البوتى هتكون فى مكان متعود عليه بيحبه وحوليه ألعابه…وبكل هدوء وملاعبه الطفل هبدأ أخليه يقعد على البوتى.
– ولما يعمل لاول مره هبدا أشجع بالكلام وادى الطفل شى محبب له من الحلويات.
نصايح اثناء فتره التدريب:
– بلاش أى زعيق أو تعبيرات وجه حاده.
– كمان بلاش نستعجل فتره التعود لأنها متفاوته من طفل للتانى
– لما الطفل اثناء فتره التدريب ينسى ويبل نفسه بلاش ضرب او زعيق هجيب البوتى وأقله هنا.
– كمان وهو قاعد على البوتى هباعد بين رجله وبكوب ماء هنزل ميه بسيطه عشان يحس بالاول بشعور الميه وهى بتنزل بالبوتى.
– واخر نصيحه دايما خليكى مبتسمه وصبوره.