متى ابدا ارضاع طفلى

رح احكي عن الرضاعة بالنسبة الي انبسطت كتير بالحمل وبالولادة بس الرضاعة كانت ومازالت احلى مرحلة واكثرها عاطفة…
المعلومات اللي رح شارككم فيها هي معلومات من أخصائية رضاعة كتبتها بكورس رضاعة حضرته اثناء الحمل
بالبداية اكثر مايقوي الرضاعة هو التماس المباشر بين الام والجنين لحظة الولادة حيث ينصح بوضع الطفل على جسد الام مباشر وراسه بين ثدييها لمدة ساااعة كاملة ان أمكن, مشاعر الام في هذه اللحظات تساعد على ادرار الحليب، وسيحاول الطفل بعد قليل البحث عن الثدي وعندها تتم اول رضاعة طبيعية
الحليب اول ثلاثة لـ خمسة ايام هو مانسميه بالصمغة وهي مادة جداً مهمة لزيادة مناعة الطفل وتحتوي على الكثير من الفوائد لذلك ينصح بإرضاع الطفل بكثرة.. الطريقة الوحيدة لزيادة غزارة الحليب هي الرضاعة والرضاعة فقط
يمنع منعاً باتاً استخدام اللهاية او الببرونة قبل ست اسابيع ليش ؟ لان مص الطفل للببرونة أسهل بكتير من مص ثدي الأم بالتالي اذا عطيتيه ببرونة قبل مايعتاد عالثدي رح يلاقي الثدي صعب ويفضل الببرونة
ست اسابيع زمن كافي ليعتاد الطفل على الثدي ورائحة الأم.
حليب الأم هو ثلاث أقسام: الماء، الحليب العادي، الحليب الدسم الاساسي.
لهيك اذا طفلك رضع من الثدي اليمين وشبع ورجع بعد أقل من ساعة بدو يرضع بترجعي بتعطيه الثدي اليمين نفسه، ليش؟؟ لحتى يكمل اجزاء الحليب من محل ماتركها.
والا اذا غيرتي الثدي رح يرجع يشرب الماء والحليب العادي ومايوصل للدسم اما اذا الفاصل كان اكتر من ساعة فيمكن الارضاع من الثدي الاخر