معده طفلك الرضيع حجمها ومتى ارضعه

تمت الولادة بالسلامة وشفنا البيبي الحلو  الخطوة التانية مباشرة وضع الطفل على صدرك ليرضع، ليش
1- لأن الحليب الأولي الموجود في صدرك الآن والذي يسمى اللبأ مفيد جداً جداً لطفلك ولمناعة طفلك.
2- كل ما رضع البيبي اكتر يعني في حليب أكتر
لذلك رضعي طفلك بعد الولادة مباشر بكثافة لحتى تشعري بدرة الحليب …
بدء إفراز الحليب: بعد 3 لـ 5 أيام من الولادة ستشعرين فجأة بحرارة عالية في صدرك وقسوة وأحياناً ألم بسيط، مبرووووك الحليب وصل فوطة مبللة بماء ساخن ضعيها على صدرك لتخفيف الألم.
الشهر الأول بعد الولادة تكون جملة الأم الدائمة ساعدوني ابني عامل صدري لهاية يتسلى فيه بهالوقت منخطأ خطأ الكبير ومنقدم اللهاية للطفل بدل ثدي الأم والخطأ أكبر أنه نقدم الحليب الصناعي ظناً من الأم أن حليبها غير كاف
الحقيقة هي انو الطفل ماعم يتسلى هو جوعان، الطفل بيجوع كل نص او ربع ساعة، ليش؟؟
بالصورة تحت فيكم تشوفوا حجم معدة الطفل (معدة الطفل تكون بحجم حبة الكرز الصغيرة عند الولادة وتكبر لتصبح بحجم بيضة في نهاية الاسبوع الثاني)، فالمعدة صغيرة جدا
لهيك بتفضى بسرعة جداً وبتمتلئ بسرعة جدا …
فعلياً أول شهر بعد الولادة تقضي الأم بس ٢٤ ساعة باليوم عم ترضع بس اطمئني, كل ما زاد عمر الطفل كل ما كبرت معدته وصار الوقت بين الرضعات أطول

Comments are closed.