*مين ابنه بيقول له محدش بيحبني؟؟؟* 
كلمةمحدش بيحبني واسبابها وعلاجها
☘ *اولا* الكلمة ممكن تكون نتيجة انك بتحبه بس مش عارف تعبر له ازاي؟؟؟
ساعات بنكون بنحب حد اوي بس مش فاهمينه…
هو عاوز احضان واحنا بنتكلم او هو عاوز هدايا واحنا بنحضن او هو عاوز حوارواحنا مش مخصصين وقت☹
والحل؟؟؟#نعرف نمط الطفل ونتعامل معاه صح..ممكن نقرأ كتاب لعات الحب الخمسة لجاري تشابمان بينزل من ع النت
☘ *ثانيا* ساعات الكلمة محدش بيحبني بيكون سببها اللوم الكتير مع قلة التشجيع
يعني لو عمل حاجة غلط لوم كتير
ولو عمل حاجة صح نعتبرده الطبيعي اذن علاج الجزئية دي كثرة التشجيع
☘ *ثالثا* الكلمة ساعات سببها التفريق بين الابناء وانا مقصدش انك شرير وبتفرق انا اقصد انك داخليا مقتنع بواحدمنهم لسبب ربما انه قريب منك ف الشخصية وبتنظر للاخر انه مخطئ ودايما بتعبر عن ده بتنبيهه…هنا اسمعها مني الابن المخطئ بيكون مشغول ف احساسه بالتفرقة ومش مهتم بالنصح لذلك بلاش تهاجمه احضنه قل له ساعة الخطأ انا عارف انك محترم…
حتي لو كان قاصد قل له انا حاسس بضيقك بس املي ليك انك تعبر احسن ..
☘ *رابعا* من ضمن الاسباب اني اصادر علي رأي ابني كأنه حتة عيل بأنصحه ارجوكم سيبوه يتكلم … *كرروا كلامه انت قصدك كذا؟*
#عشان يطمئن انكم سامعينه ..وبعدين قولوله احنا مقدرينك ورأينا كذا…هتفرق كتير ان شاء الله تعالى
☘ *خامسا* سقف الطموحات العالية تؤدي بالابن الي اليأس=انت دايما عاوزه احسن سباح واحسن طالب واحسن طفل 
…وبالتالي دايما بتكلمه عن ده بيتصور هو انه وحش ..وبيعتقد ان محدش بيحبه
والحل اجمع بين الحاضر والمستقبل (انت احسن واحد ف عنيا ونفسي ليك انك….)متحسسوش اولادكم ان ارضاؤكم صعب وتعقدوهم
كلمة كمااااان
*حذاري من الرد كلنا بنحبك ليه بتقول كده* 
ارجوكم الرد يكون
*ياااه ده احساس صعب انت اكيد متضايق*
*سيبوه يتكلم*
*انصتوا*
*احضنوا*
*طبطبوا*
Comments are closed.