طريقه عمل فرخه كامله مقليه

المكونات :
فرخة متوسطة الحجم من كيلو ونص ل 22 كيلو – فلفل حراق – توم – ليمون – بصل صغير – جنزبيل ورق لورا -ملعقة كبيرة ملح وكارى وبابريكا -ملعقة صغيرة فلفل اسود – هوت صوص لو موجود

بالمقص ومن على جانب سلسلة الضهر نقص الفراخ
ونزيل سلسله ظهر الفرخه وكده اصبحت الفرخه قطعه واحده مفروده اضغطها عشان تتساوى
بنقطع الفلفل
وشوية التوم
ونقشر الجنزبيل
وننزل بيه فى الكبة
نعصر عليهم ليمونة
ننزل بمعلقة كبيرة كارى
معلقة كبيرة بابريكا
الملح والفلفل الاسود
شوية هوت صوص حسب راحتنا
ونضربه فى الكبة

ننزل بالتتبيلة على الفراخ ونسيب معلقة صغيرة بس هاقولكم ليه بعدين
نبدأ نمّسج الفرخة بالتتبلة من الضهر وتحت الجوانح فى كل حتة
ونقلب الفراخ كمان ونكمل مساج ونسيبها فى التلاجة اقل حاجة نص ساعة وممكن نسيبها طول الليل
التسوية بقى بنجيب طاسة ونحط فيها شوية زيت حلوين كدا قيمة سنتيمتر وننزل فيه بورق اللورا
والبصل بقشره
والتوم بقشره برده
وجنزبيل

وقرن فلفل حامى

ونسيبهم دقيقة لحد ما الزيت يسخن
ننزل الفراخ بعد ما الزيت يسخن

هاتفضل تتكتك 5 دقايق على نار عالية
ونحط عليها أى تقل عندنا طبق وفوقيه اى حاجة ونسيبها 10 دقايق على نار متوسطة .. كدا اجمالى ربع ساعة على الوش دا
نقلبها ونكرر نفس الموضوع اللى فات 5 دقايق على نار عالية و10 دقايق على نار متوسطة ومننساش التقل اللى فوقيها
ونقلبها وننقرمش الجلد كمان بشوية زيت كدا .. كدا استوت خالص

ناخد بقى كل الحاجات اللى كانت فى الزيت ونقشرها بس محدش يدوقها عشان هاتنسفوها واحنا محتاجينها
نقشر الفلفل كمان

نفرم كل حاجة مع بعض بالسكينه كويس فرم ناعم
ومعاهم كباية زبادى
ونضربهم بالسكينة لحد ما يمتزجوا كويس
فاكرين المعلقة الصغيرة اللى سيبناها من التتبيلة ؟ هى دى بقا اللى هاتديلها الطعم الجامد.
وتتقدم جنب الفراخ كدا ومعاها ليمون جوسى ورهيييييبة

Comments are closed.